Kuch Khwaab Jo Adhoore Hai....

Kuch khwaab aise hai
palkon pe baithe hai
Patjhad bhi aaye to
wo waise ki waise hai
Kaise samjhaun unko
kya keh manau unko
Kehte hai wo mujhse
wo sirf mere hai


Karte hai wo mera intzaar
jiyenge wo sang mere
Unka bhi hai aisa ek khwaab
Sheeso se naajuk se
naa toot jayen unke
dilon ke  ye taar
Toote wo agar kabhi
hoga unko kitna dard
hai mujhe iska ehsaas


Jo bhi abb karna pade
unka banana hai mujhe
wo jo aankhon mein base
unke saath jeena hai mujhe
Wo meri hi duniya mein rahenge
kuch khwaab jo adhoore hai mere