Teri uss baat ne
mera nazariya badal diya
Meri duniya thi kini seemit
Tune daayra badha diya
Jab bhi tune mujhe samjhaya
Mujhe ek naya agaaz mila
Jab bhi mene teri suni
khud ko naya anjaam diya
Raaston mein jab kaante chubhe
Tune mera dard baanta
Lage jab bhi khusiyon ke mele
Tune jashn sabse bada manaya
Honthon se ruthi jab hansi
Tune dil ko gudguda diya
Tujhko tha itna aeitbaar
Ki mene jokhim bhi hans ke utha liya
Tujhse jab bhi mein mili
Roshan mera jahan hua
Mujhse jab kuch nahi hua
Tune aakar mujhe thaam liya
No comments:
Post a Comment